打住工都可以創業? 企業內創業 Intrapreneurship 點實行? | 文章 – 滙豐機滙

「公司內部創業」即係指,係大公司工作嘅員工,一方面受雇工作,另一方面可以利用公司資源創業。大公司想留住人才,不妨試吓內部創新,比有創新意念既員工,可以大膽嘗試提出方案創業,而公司可以提供內部資源,例如資金、培訓、員工經驗交流等。假若內部創業成功,一來可以留住人材,二來亦可壯大母公司事業體。

創業  ·    ·  1 mins read

依家年輕人,個個都想出嚟創業,但創業需要資金、需要經驗,甚至係人脈關係,做起上嚟真係唔容易。外國就好流行「公司內部創業」,提供資源鼓勵員工激發創意創業,今日就同大家講吓什麼是公司內部創業。

善用公司資源 成就雙贏
「公司內部創業」即係指,係大公司工作嘅員工,一方面受雇工作,另一方面可以利用公司資源創業。大公司想留住人才,不妨試吓內部創新,比有創新意念既員工,可以大膽嘗試提出方案創業,而公司可以提供內部資源,例如資金、培訓、員工經驗交流等。假若內部創業成功,一來可以留住人材,二來亦可壯大母公司事業體。

3M靠內部創業 開發便利貼
唔講唔知我哋成日用嘅便利貼,原來都係靠3M公司推動內部創業,令其中一位設計師弗萊成功開發便利貼產品,成為3M旗下最受歡迎產品之一。3M規定公司嘅技術人員,可以用15%嘅上班時間做自己嘅研究工作,弗萊就係咁樣與同事利用公司資源發明咗黏劑,做左便利貼出黎。

總結:要有創業家心態
無論自己出嚟創業,還是公司內部創業,都需要具備創業者嘅條件,包括無比嘅熱誠、堅持、速度、責任感等等。如果公司可以容許內部創業,作為員工可以試試鼓起勇氣,積極同老闆發表自己嘅意念,話唔埋有機會同公司做拍檔搞生意!

ANDY SUK (叔)
ANDY SUK (叔)
香港咩料
香港咩料