企業疫轉勝(二):全職以外的選擇 | 文章 – 滙豐機滙

今年環球經濟步入不穩定期,經濟何時復甦並不明朗,企業需要人手,但工作量低的時期又不想白白支付人工,有咩選擇呢?

法律  ·    ·  3 mins read

企業需要人手,可考慮比聘請全職員工更具彈性的安排。

SorryLaw 團隊你好:

環球經濟轉差,疫情唔知幾時先完結,我想減輕公司每個月嘅人工開支,又想一有訂單時有人返工。特別想請教吓,我可以將公司嘅全職員工轉為 part time 嗎?請 Part time 同請 freelance 又有咩分別呢?

腦細謹啓

腦細你好:

今年蔓延全世界的嚴峻疫情,係對企業傳統工作模式的重大考驗。傳統中小企隨住生意發展請人,重視員工忠誠度,一做做幾廿年。但新型中小企為了有勞動力又保持彈性,全職的員工很少,架構盡量精簡,反而 part time 同 freelance 嘅同事多,有工就做、會出糧,工作量減少就無需白白出糧。先回答你嘅問題:

如果要將全職嘅員工轉 part time,應該同員工簽一份新約,清楚列明轉 part time 後嘅聘用條件,包括工資、工作時間與地點、工作範圍、有薪假期多少。有一點要注意,新約當中應該寫明,員工的「服務年期」應該由舊約開始日起計。服務年期起始日好重要,因為服務年期會影響員工嘅權利,例如:

  • 如員工每星期工作時數多過18小時,連續受僱 2 年或以上,若果被裁員或停工,會得到遣散費;

  • 如員工每星期工作時數多過18小時,連續受僱 5 年或以上,若果被解僱、退休、或身體狀況令他無法擔任工作,會得到長期服務金。

整體而言,要注意員工本身嘅權利,唔應該因為轉 part time 而受損。

Part time員工都屬於勞工法例下嘅「僱員」,而佢地享有嘅權利就視乎佢地工作嘅時數同受僱時期嘅長短:

  1. 無論時數幾少,part time 員工都享有基本權利,即是:

    • 得到工資;

    • 有12日法定假日(注意,係可放假,但並非有薪);及

    • 成為工會會員或職員嘅權利。

  2. 如果 part time 員工每星期工作時數多過18小時,除咗上述基本權利:

    • 如連續受僱 4 星期或以上,可享有有薪產假、有薪病假;

    • 如連續受僱 3 個月或以上,可享有有薪法定假日;

    • 如連續受僱 12 個月或以上,會得到一年7日嘅有薪年假(受僱第3年開始,有薪年假嘅數目會每年增加一天最高加到14天),等等。

當然,以上只係法例下嘅最低保障,腦細你作為愛惜員工嘅好老細,絕對可以俾 part time 員工更好嘅條件。

Part time 員工係僱員,受勞工法例保障;相反,freelance 就不是員工了,並不享有上面所述的權利。

Freelance 合約中應該寫明,公司同 freelancer 之間嘅關係係客戶同服務提供者嘅關係,而非僱主同僱傭關係。服務合約中應清楚訂明 freelancer 的工作責任,例如寫明是否有任何實質 deliverables,幾時要交,工資如何支付(可以是一個 lump sum,一次過支付,或分幾期或每個月尾支付),是否需要定時匯報進度,每月或每週有沒有最低工作時數。

請 Freelance 工作,安排非常靈活,公司無需負上僱主的責任,亦無需供強職金。但另一樣嘢要注意嘅係,僱員工作中產生的所有知識產權都自動屬於僱主,但 freelance 安排則不然,例如copyright係屬於創作者,即係freelancer,唔係屬於客戶(公司),除非在服務合約中寫明知識產權歸屬客戶。

企業人手改組,所有合約安排應該反應實際工作需要。假如企業需要的是全職員工,就絕不能與員工簽一份 freelance 合約,去逃避作為僱主的法律責任。假如勞資雙方有爭議,法庭將重視合約的實質安排多於合約形式或用字。

今次疫情,是很好的時機去反思,傳統企業工作模式有咩值得改變,例如世界各地嘅員工都需要 work from home,但又有幾多中小企有相應嘅設備同措施,讓員工安全在家工作之餘,又可以保持生產力呢?要加強企業未來的競爭力,需要的是能夠靈活變通的管理思維。

以上法律知識由陳維寧律師提供。

SorryLaw 網上法律平台
SorryLaw 網上法律平台