大型網站 SEO 怎樣做? | 文章 – 滙豐機滙

建立網站我們會尊從最佳指引,因為網站結構建立容易改動難。如客戶的網站結構不能在點擊兩次後到達最終頁面,即所謂網站三層結構,對SEO不好。而內部 SEO (Onsite SEO) 就好似設計大型商場一樣。當用戶進入後,他怎樣從銷售某一類產品的樓層,快速地去到另一樓層呢?

營銷  ·    ·  3 mins read

大型網站 SEO 怎樣做?


Crawl Budget 與 SEO 的關係

我哋需要有策略增加 Crawl Budget。例如提升網站權重(domain authority),簡稱DA。影響DA嘅因素其實很多,例如反向連結(backlinks)的質數和數量、品牌效應、網址年齡、網站速度等。GoogleBot 會觀察你有沒有經常增加和更新網站的內容,你亦應該主動告訴Google不要收錄那些網頁。

在選擇關鍵字詞(keyword phase)方面,有很多客戶忽略了不同的人會有不同的習慣進行搜尋。例如我可能會用顏色、材料、年份、尺寸等去搜尋我想搵嘅商品。這 些又叫做結構化資料(Schema)。做好Schema會對SEO有很大的幫助。

電商網站的連結及網頁收錄

另外,要注意避免將大量重複的頁面提供給Google。這會造成重複收錄 (content duplication),並影響SEO。例如商品的顏色、尺碼,不建議收錄每一頁。如果一件商品只是暫時下架,請不要將該網頁馬上刪除。因為這樣做,你可能浪費了很多有流量的網頁。如果是不會再出的款式,咁當然要刪除頁面啦,我亦建議將其相關嘅內部連結同時刪除。

如果網頁有反向連結的話,則須要做一條301 redirect link 去返該目錄分類。係咪好複雜呢?其實所有網頁都需要好有系統地建立,否則就好似我之前講咁 – 入咗大型商場後有一間鋪頭閂咗門,想再睇其他嘢,但根本不知道在那裏。結果客人離開網店,你損失了一次機會。因此,再一次提醒大家,千祈唔好為咗慳錢因小失大。我曾經面對大大小小的客戶,經常為咗慳一二千元而損失更多做生意的機會。

冇做SEO,沒有客戶能找到你…


我時常提醒客戶,要不他提高預算外判推廣,我們幫他全做。否則他一定要有人手定期將商品嘅描述做好,並定期發佈文章。顧客如果在搜尋引擎找不到你的商品,你在網站刊登了1000件產品又如何? 根本沒有客戶能找到你,情況就如錦衣夜行,冇人知道!如果是大型網站的話,要用專業的網站地圖(sitemap)軟件,使Google更清楚網站結構並收錄你的網頁。

SEO 包括甚麼?

我哋做 White Hat SEO 包含嘅層面相當闊,例如包括用 Google Search Console 定期監察有沒有404錯誤頁面出現及能否修復、檢查破裂連結,亦包括檢測及修復技術性引起嘅網頁問題。

此外,Semantic SEO 是比較深層次嘅SEO策略。做法是圍繞關鍵字,建立相關嘅主題內容(topics),從而深化客戶對你的了解及信任,亦都可以提升品牌價值。

SEO 與 Branding 的關係

根據調查及 Google CEO,品牌(Branding)絕對有SEO嘅優勢,講得簡單啲就係知名度。所以客戶有沒有做戶外廣告、舉辦線下活動等等都有影響。因為建立品牌並不一定只限於在網上做文章。

由始至終建立品牌都係你如何喺消費者或客戶心中建立形象,佢記唔記得你。建立品牌唔係一朝一夕,更加唔係三言兩語就可以獲得客戶嘅信任和支持。在網站內容方面,點擊率(click through rate)亦非常緊要,因為google updates而家非常看重點擊率。有關這方面可以參考 RankBrain

如能定期做好有參考價值和較長篇的內容,例如1000字以上,是建立品牌的其中一個非常好嘅途徑。展示式廣告(Display Ad)無論在網站還是電視仍然有人做,因為建立品牌從來都講求觀眾記唔記得你。如果沒有這方面的作用,你覺得各大跨國品牌還會每年將巨大的廣告費投放在互聯網和電視上展示廣告嗎?

另外,對電子商貿網站來說,CX (customer experience)也是相當重要。所以很多大型網站用緊嘅CMS隨時要一百萬港元,例如 Adobe Experience Manager, Sitecore. 建立一個較為優質嘅電子商貿網站,絕對要超過十萬港元。歡迎大家查詢指教。

筆者:Aaric,香港第一代入行本地digital人。曾服務本地上市數碼財經媒體、各大銀行客戶、奢華品牌客戶、消費品牌客戶、國際性新聞網站、美國上市大型社交平台、風險基金及初創等等。

AAdigital Biz Ltd
AAdigital Biz Ltd
AADIGITAL BIZ LIMITED
AADIGITAL BIZ LIMITED