被人走數要記得追數! │ 展群稅務 CK TAX | 文章 – 滙豐機滙

好多公司都會採用信用銷售嘅方式出售貨品俾客人,等客人有一個比較彈性嘅還款時間。但係公司會照樣記錄收入,呢筆收入就會包括喺個年嘅應評稅收入。唔知你地有冇發現一個問題呢? 就係如果客人還唔到呢筆款項嘅話,就會變咗公司又收唔到錢,仲要交稅。
財務  ·    ·  1 mins read

好多公司都會採用信用銷售嘅方式出售貨品俾客人,等客人有一個比較彈性嘅還款時間。但係公司會照樣記錄收入,呢筆收入就會包括喺個年嘅應評稅收入。唔知你地有冇發現一個問題呢? 就係如果客人還唔到呢筆款項嘅話,就會變咗公司又收唔到錢,仲要交稅。所以根據稅務條例,呆壞帳 (bad and doubtful debts) 嘅開支係可以扣稅㗎! 但要先達到以下三個條件:

1. 有關的呆壞帳係同營業收入相關嘅欠款

因為開支嘅扣稅條件係呢筆開支要係賺取應評稅利潤而招致,所以呢個要求同樣適用於呆壞帳。假如欠款係因為公司借款俾其他人,而借款唔係公司正常營運業務,咁就無得扣稅㗎喇!

 2. 有關嘅收入曾經列為應評稅收入

呢筆欠款一定要曾經列為應評稅收入,稅務局先會俾你扣稅。如果欠款有關嘅收入之前係豁免徵稅,咁就算公司將佢撇帳成為呆壞帳,都係無得扣稅。

3. 納稅人須向稅務局證明在有關稅務年度內的欠款已成為無法歸還的壞帳

為咗證明呢筆欠款真係成為咗呆壞帳,公司需要向稅務局顯示佢有作出過追討嘅行為,而且唔成功。如果公司淨係跟據以往嘅經驗作出呆壞帳撥備,因為佢無追討行為,所以都無得申請扣稅。

想申請呆壞帳扣稅,以上三個條件缺一不可。如果你地公司都係用緊信用銷售就要特別留意,留低追數嘅證據喇!

如果有興趣了解更多資訊,歡迎透過以下方式聯絡 展群CK ®:

※照片源於Unsplash※

即時Whatsapp查詢:api.whatsapp.com/send?phone=85252279242

a. 致電 (852) 3502 7392

b. Whatsapp (852) 5227 9242

c. 電郵 info@ck-tax.com

d. 網站 www.ck-tax.com


 

CK TAX COMPANY LIMITED
CK TAX COMPANY LIMITED