境外豁免知多啲│ 展群稅務 CK TAX | 文章 – 滙豐機滙

相信大家都知要喺香港做生意而又賺到錢先需要比利得稅,簡單嚟講如果你喺英國經營公司就緊係唔使比香港既稅啦。咁樣或者好易理解,但有啲時候就唔係咁易分到到底使唔使比啦。展群CK® 今次就同各位讀者簡介係唔同情況下賺既錢使唔使交稅啦!
財務  ·    ·  1 mins read

相信大家都知要喺香港做生意而又賺到錢先需要比利得稅,簡單嚟講如果你喺英國經營公司就緊係唔使比香港既稅啦。咁樣或者好易理解,但有啲時候就唔係咁易分到到底使唔使比啦。展群CK® 今次就同各位讀者簡介係唔同情況下賺既錢使唔使交稅啦!

1. 假如A小姐喺英國經營公司,但委托咗香港一間公司幫手賣貨,或者喺香港有分店,佢使唔使比香港既利得稅?

答:要。雖然佢冇親自嚟香港處理事務,但佢托香港公司/ 香港分店 (即代理人) 幫手賺錢,都已經等同係香港境內做生意,所以個筆利潤都要比稅。

 

2. 假如A小姐喺英國經營公司,但喺香港既銀行有存款並收取利息,個筆利息收入使唔使比稅?

答:唔使。因為就咁擺錢入銀行存款並唔係經營緊業務,所以係免稅既。

 3. 假如A小姐喺香港經營貿易公司,但佢係英國買左批貨,直接由英國賣去美國,途中冇經過過香港,個筆利潤使唔使比香港既利得稅?

答:視乎情況。一般如果工作或處理事務既地點唔係位於香港係唔使比有關利潤既稅嘅。但如果涉及買賣貨品,而A小姐喺英國同美國都冇辦事處既話,稅局會當買賣訂單都係經香港公司處理,即都算係喺香港處理事務,所以個筆利潤都要比稅。

 4. 假如A小姐喺英國經營公司,佢為左降低成本,喺大陸開工廠,再喺香港開附屬公司用嚟做英國公司同大陸工廠之間滙款既橋樑。而間香港公司喺滙款交易過程中賺左差額一百萬,呢一百萬使唔使比香港既利得稅?

答:要。因為間香港公司出現既目的係利用香港金融中心做佢既貿易橋樑,去補足主公司既商業運作需要,所以就算貿易唔係喺香港進行,個嗰一百萬都要比稅。

提提你,如果你要申請海外利潤豁免,稅局會叫你提供足夠資料證明個筆利潤真係可以免稅,如果你證明唔到,稅局係唔會批個申請㗎!

 

如有興趣了解更多資料,歡迎透過以下方式聯絡 展群CK ®:

即時Whatsapp查詢: api.whatsapp.com/send?phone=85252279242

a. 致電 (852) 3502 7392

b. Whatsapp (852) 5227 9242

c. 電郵 info@ck-tax.com

d. 網站 www.ck-tax.com 

 

CK TAX COMPANY LIMITED
CK TAX COMPANY LIMITED