稅務身後事│ 展群稅務 CK TAX | 文章 – 滙豐機滙

假如有親友不幸離世,喺傷心之餘亦唔好忘記要替佢地處理好稅務事。
財務  ·    ·  1 mins read

假如有親友不幸離世,喺傷心之餘亦唔好忘記要替佢地處理好稅務事。

死者的稅務事應由遺產管理人負責處理。如死者生前有應課稅的收入未申報,遺產管理人要喺一個月內以書面形式通知稅務局,並確保提交嘅報稅表正確無誤。假如遺產管理人交咗唔正確嘅報稅表,佢要為報稅表上嘅簽署負上法律責任。應課稅的收入包括以下幾種:

薪俸收入: 遺產管理人需喺死者嘅個人報稅表上以遺產管理人嘅身份申報死者生前的入息,並替死者繳交薪俸稅。

租金收入:  遺產管理人需申報死者獨自擁有的物業,並喺物業的業權轉至其他受益人前繼續交稅。而聯名物業嘅收入就由在生的業主繼續報稅同交稅。

營業及利潤: 獨自經營的業務喺死者去世後就會結束,遺產管理人需要申報由上年結帳日到死者去世當天的營業利潤。至於合夥業務的營運唔會受其中一位合夥人去世的影響,繼續由在生的合夥人照常地申報營業利潤同繳交利得稅。

如死者生前違反稅務法例,而稅務局喺死者死前都未進行處罰,佢就唔可以同遺產管理人收取罰款。但係如果稅務局已經處罰咗,咁遺產管理人就要以死者的遺產繳付罰款。當遺產唔夠俾罰款嘅時候,遺產管理人係唔需要用自己嘅財產繳付剩低嘅罰款㗎!

除咗遺產管理人有責任喺指定時間內處理死者嘅稅務事外,稅務局亦有責任喺死者去世嘅三年內作出評稅,否則評稅當作無效。所以收到逾期嘅評稅表都可以作出投訴㗎!

如果有興趣了解更多資訊,歡迎透過以下方式聯絡 展群CK ®:

※照片源於Unsplash※ 

即時Whatsapp查詢:api.whatsapp.com/send?phone=85252279242

a. 致電 (852) 3502 7392

b. Whatsapp (852) 5227 9242

c. 電郵 info@ck-tax.com

d. 網站 www.ck-tax.com

 

 

 

CK TAX COMPANY LIMITED
CK TAX COMPANY LIMITED