人人都可以做Youtuber │ 展群稅務 CK TAX | 文章 – 滙豐機滙

近年Youtuber成為咗好多年輕一輩嘅夢想職業。當你地考慮進軍Youtube界嘅時候,唔知你地又有冇諗過Youtuber係點交稅㗎呢? 等我地一齊嚟了解更多啦!
財務  ·    ·  1 mins read

近年Youtuber成為咗好多年輕一輩嘅夢想職業。當你地考慮進軍Youtube界嘅時候,唔知你地又有冇諗過Youtuber係點交稅㗎呢? 等我地一齊嚟了解更多啦!

Youtuber提供嘅服務係上載佢地拍攝嘅影片到Youtube公司嘅平台俾觀眾觀賞。假如佢被定義為自傭人士就需繳交利得稅; 假如佢被定義為僱員就需繳交薪俸稅。要判斷Youtuber同Youtube公司之間存唔存在僱傭關係,我地就要睇下以下四個測試:

1. 監控測試

提供服務嘅人係咪受到接受服務嘅人喺內容、時間和方法上嘅監控。Youtuber提供嘅服務係佢哋拍嘅影片,但係影片嘅內容、拍攝手法同上載時間係由Youtuber自己決定,Youtuber唔定時上載影片都唔會受到懲罰。Youtuber無受到Youtube公司任何嘅監控,因此通過監控測試。

2. 身份測試

提供服務嘅人係咪接受服務嘅公司嘅一分子。Youtuber喺Youtube提供嘅平台上載影片,但佢地喺Youtube公司唔會有職位,亦唔會對外以Youtube員工嘅身份自稱,因此通過身份測試。

3. 財政測試

提供服務嘅人係咪自負盈虧。Youtuber喺拍攝期間嘅所有開支都由佢自己承擔,包括購買錄影機、收音裝置同聘請剪片嘅助手。如果喺經營Youtube頻道期間產生任何虧蝕,都係由Youtuber獨自承擔。因此Youtuber通過財政測試。 

4. 責任測試

提供服務嘅人同接受服務嘅人之間嘅法律責任。Youtube公司唔會指定某項工作俾Youtuber完成,Youtuber亦無須向Youtube公司匯報佢拍影片嘅進度。Youtube公司無需要向Youtuber支付定期嘅薪金,因此兩者之間無法律責任,Youtuber通過責任測試。

符合以上條件,Youtuber就可以定義為自僱人士,與Youtube公司無僱傭關係。但係點解Youtuber會比較鍾意以自傭人士的身份交利得稅呢? 咁係因為用利得稅報稅會易啲申請開支扣稅額,例如購買錄影機嘅開支都會有扣稅額,變相就可以交少啲稅喇! 

如果有興趣了解更多資訊,歡迎透過以下方式聯絡 展群CK ®:

※照片源於Unsplash※

即時Whatsapp查詢:api.whatsapp.com/send?phone=85252279242

a. 致電 (852) 3502 7392

b. Whatsapp (852) 5227 9242

c. 電郵 info@ck-tax.com

d. 網站 www.ck-tax.com

CK TAX COMPANY LIMITED
CK TAX COMPANY LIMITED