【印花卡都可以電子化?Digital Stamp Card懶人包】 | 文章 – 滙豐機滙

「儲印仔,換禮物!」近年有唔少嘅公司都有推出印花卡獎勵計劃, 但大家有冇諗過呢張卡其實可以放入你嘅e-Wallet呢? 心㤢㤢嘅你又知唔知佢點運作呢? 即刻click入嚟呢個懶人包,等我哋話你知啦!
營銷  ·    ·  4 mins read

無論係咩規模嘅企業都逐漸開始使用客戶關係管理系統(CRM)嚟進一步加深對客戶嘅了解,繼而改善用戶體驗。我哋早前深入探討過會員系統,今日我哋就會解釋更多有關我哋提及過嘅印花卡獎勵計劃

依家電子化係大趨勢,你有冇諗過連印花卡都可以電子化?呢個趨勢嘅出現當然係有佢嘅原因架啦。比起傳統嘅實體印花卡,電子印花卡(digital stamp card)可以更有效地塑造顧客忠誠度(customer loyalty),想知點解用電子版好過實體印花卡?咁你就要繼續睇落去啦。

使用電子印花卡比起使用實體印花卡嘅優勢

「我有儲印仔架!」你打開銀包,嘗試喺一張又一張嘅過期coupon同收據入面搵翻兩三個月前、呢間小店新開張嘅時候派嘅印花卡。

「sorry呀,好似唔記得左帶添。」你醒起,原來上星期執袋嘅時候攞左張印花卡出嚟,明明本身兩次消費加埋都可以換到塊曲奇架。

相信大家都經歷過唔少以上咁嘅情況。有電子印花卡,你嘅顧客唔再需要隨身攜帶任何實體卡,亦唔需要喺店到左搵右搵,只要有佢哋隨身攜帶嘅智能手機撳兩下,就即刻可以儲印仔。咁樣都意味住減少顧客唔會再有遺失印花卡嘅機會,就算唔小心剷除左張卡,系統都可以根據用戶資料追蹤翻進度。所以,其實轉用電子印花卡喺呢個大家都機不離手嘅年代似乎更合時宜。

除左令顧客受惠之外,其實對企業嚟講都有得益架。最明顯嘅好處當然係再唔洗擔心印刷問題啦,特別係大規模嘅企業,其實要準備同紀錄印花卡同印花唔係一件簡單嘅事嚟。相反,如果以電子印花卡代替,企業亦只需要向分店提供連接電子印花卡網站或應用程式嘅連結,顧客就可以直接進入頁面或下載程式,環保啲之餘又更加可以免卻用曬印花呢啲麻煩嘅情況。

最重要嘅係,使用電子印花卡可以方便企業取得用家數據,有利市場營銷(marketing)活動。喺印花卡運作期間,系統會自動蒐集有關數據,例如用戶光顧頻率、購物習慣、個人喜好等等,企業同時可以喺內容管理系統(CMS)嘅管理版面得知用戶嘅個人資料,就好似登記嘅電郵地址(email)、社交媒體帳號(social media account)咁。

從事市場營銷嘅同事就可以根據相關數據制定營銷策略,透過適當嘅渠道接觸客戶,用最適合嘅方法吸引顧客消費。其中一個不得不提嘅策略係分類(segmentation)同選擇(targeting),舉個例,我哋知道有一班鍾情於我哋入口咖啡豆嘅用戶,經常以印花換領各種新嘅咖啡豆,咁當我哋咖啡室再次購入新豆嘅時候,就可以send一個訊息(push notification)俾佢哋,刺激呢班顧客到店消費。喺清楚顧客喜好嘅情況下,你嘅宣傳對佢哋嚟講唔會喺垃圾訊息(spam),因為佢哋真係對你嘅宣傳感興趣呀嘛。有充足嘅數據,你日後嘅推廣活動(campaign)將會事半功倍。

以Cookie Department(DPT)為例,其實佢哋嘅營銷做得非常之出色,喺Instagram上更有高達32.3k個followers。不過同好多餐飲業嘅同行一樣,佢哋面對一個問題:究竟顧客買完我哋嘅曲奇之後去左邊呢?冇會員系統,Cookie DPT冇辨法得知顧客嘅資料,所以佢哋選擇開始使用Juicyapp嘅電子印花卡,從而進一步了解顧客。


電子印花卡點運作?

其實電子印花卡同實體印花卡所建立嘅會員系統都係如出一轍,每次當客戶消費嘅時候,佢哋就可以獲得一個印花,一旦收集一定數量嘅印花,就可以藉此換取獎勵。

至於顧客需要消費嘅次數係幾多、獎勵有幾豐富,就完全由企業去決定。企業可以提供贈品或者折扣作為禮物,同時亦都可以隨著顧客等級提升而給予其他更吸引嘅獎勵。呢啲獎勵都可以鼓勵你嘅顧客多次回購。

電子印花卡同傳統印花卡唔同在於用家可以喺手機瀏覽網站或應用程式去進行成個流程,顧客只要掃描連接至網站或應用程式嘅QR code到達登記頁面,填寫個人資料登記成為會員,之後再將印花卡添加到電子錢包(iPhone用家使用Apple Wallet、Android用家使用Google Pay),就可以開始使用服務。

現時主要有兩種途徑收集印花。顧客可以展示收集印花嘅介面,職員使用特製嘅電子感應印台(digital stamp)印喺卡上面,就好似平日我哋印印仔咁,印花就會喺卡到出現架啦!有啲企業或者覺得呢個印台容易遺失,咁就會選擇使用掃描QR code嘅方法。每張卡都有一個獨一無二嘅QR code,只要職員掃描呢個code,就可以即刻加印仔啦。

當你已經儲夠印花,系統會自動跳入獎勵換領介面,顧客選擇獎勵可以俾職員確認以完成換領程序。

總括嚟講,電子印花卡比起用傳統印花卡優勝得多,操作簡單易用,只要一機在手就能夠收集印花同埋換領獎賞,不論係對企業定係對顧客都有好處。如果你對使用電子印花卡有興趣,不妨聯絡我哋,了解更多有關詳情。

JUICYAPP LIMITED
JUICYAPP LIMITED