一份外賣 都係形象 | 文章 – 滙豐機滙

「如果睇成本,正常一定係揀3毫子一個嘅發泡膠盒,而且仲要收多個客2蚊外賣費!」

「Selina,呢份外賣係你嘅?」

趁Lunchtime快手解決了一個長途Call,甫踏入辦公室就見到Selina檯上有幾個名人飯堂外賣盒,空氣中還隱隱然混雜著中式小菜的味道。

雖然我餓極,但見到這幾個發泡膠盒,丁點胃口都無。

「係陳總秘書Monica比我㗎!佢頭先同陳總去完名人飯堂吃飯,例牌叫人打包⋯⋯佢問我要唔要,我見今晚唔知煮乜比老公,咪要幾盒囉。」

差點忘記,Selina上個月終於升級為人妻,每日都要籌謀另一半的晚餐,而她,廚藝不精。

我望著發泡膠盒,不其然想起跟上星期六跟Adam的對話。

Adam是我的大學同學,從事Marketing超過十年,最近搞副業,在西貢開了一間文青風餐廳,主打健康飲食同環保。

記得當日堂食的人頗多,但令我意外的,是幫襯外賣的人也不少,而且很多人都自備了容器。

「估唔到外賣生意唔錯。」我望著外賣的人龍。

「因為我定位清晰。」Adam笑了笑,「我呢度主打健康飲食外,仲主打環保,連外賣用具都係可分解用原料製造嘅,當然我地仲會鼓勵大家自備容器啦。」

我摸了摸一個用竹漿做的外賣盒,手感及外觀都跟普通發泡膠盒沒有太大分別。

Adam似乎知道我的疑惑,笑著解釋:「外表好似差唔多,但兩種物料對環境嘅影響差好遠,你手上呢個九個月就可以完全分解,發泡膠盒要成一萬年!」

「不貴嗎?」多年做deal訓練,首要總係睇成本。

「貴啊!好似呢個600ml連蓋嘅竹漿外賣盒,每個盛惠$1.3,比普通發泡膠盒貴成4倍!」

「值得嗎?」我問。

「你話呢?」Adam望著排隊的人潮,「其實而家新一代睇嘅嘢好廣,特別對健康同環保議題好有共鳴。」他接過我手上的竹漿外賣盒,「如果睇成本,正常一定係揀3毫子一個嘅發泡膠盒,而且仲要收多個客2蚊外賣費!」

Adam笑了笑,「不過做生意,特別係做同人有密切互動的生意,壓低成本唔一定係致勝之道,反而由人性化角度出發,可以引人入勝。」

不愧為Marketing老手,Adam用對了一個外賣盒,環保之餘,又賺了商譽及形象,物超所值。

「Phil,你⋯⋯都想要一份?」

 可能我望著這幾盒外賣盒太久,久到Selina都以為我對這幾盒外賣有企圖。

 我瞥了她一眼,「唔需要,我用開Eco wrap。」

 她狐疑地望著我,一面不解。

「平日我用環保食物袋裝嘢食。」我笑著解釋,正打算返房,想了想還是折返,衷心建議新手人妻:「今晚你叮熱比你老公食之前,記得用個好啲嘅包裝,嗯⋯⋯人性化一啲。」