蝕底生意有著數 | 文章 – 滙豐機滙

好簡單,同一件貨幾間網店都有,點解啲客要揀你個間?你舖頭啱啱開業幾個月,我又點知你係咪呃人?

視野  ·    ·  4 mins read

「哇你咁做好蝕底⋯⋯唔好啦⋯⋯」隱隱約約的對話聲自門外傳來,我皺眉一望,是Selina在講手機。

撇了眼電腦螢幕的右下角——15:20,所以我的秘書已經講了45分鐘私人電話?

擱下文件,我放輕腳步走到門邊,倚著門框自背後盯著她。

「唔⋯⋯唔好做蝕底生意啦⋯⋯好啦,唔好輕舉妄動,今晚再傾,Bye⋯⋯」Selina呼了一口氣,放下手機。

見她收線,我溫柔地問:「同老公講完電話喇?」

「喝——經理⋯⋯」聽到我的問候,Selina嚇了一大跳,轉過身來,有點尷尬。

「下次同老公傾電話可以去Pantry。」我善意提醒,畢竟工作時細碎的傾談聲挺擾人的。

Selina點頭乾笑了幾聲,眼珠轉了一圈,突然有點奇怪地望著我。

見到她欲言又止,我無奈地說:「有咩想問就問。」

「嘻嘻,經理,我有啲嘢想請教下你。」她拿出手機開啟了一個Facebook page,是一個叫「莎蓮娜代購連線」的專頁。

「你知道我老公做日資公司,呢排佢想試下做代購。」她非常仔細地解釋,「我地所有前期功夫都做好曬,而家差唔多要訂貨,我打算第一次代購點都賺返少少啦,不過佢竟然話第一次賣嘢想開價低啲,貼近成本價,哇!咁咪好蝕?分分鐘連郵費都倒貼埋⋯⋯」

望著Selina一面不忿地訴說著代購生意的苦惱,不禁讓我想起了大學同學Nina。

嗯,或者可以安排她們交流一下。呃,如果Selina悟性夠高的話。

***

「有冇嘢睇啱啊Phil?」剛談了個長氣電話Nina笑著問。

每次出席大學朋友聚會都總會有收穫,大家不見一段時間,通常事業或生活上都有轉變。

就像Nina,兩年前毅然辭職遠嫁德國,最近回流香港,暫時未打算重返金融業的她搞搞新意,開了家網店專做德國代購,做得挺有聲有色。

我開了她WhatsApp發過來的Link,快速瀏覽了網店的商品,發現她的網店代購種類還挺多的,行李箱、嬰幼兒食品、保健食品等都一應俱全。

「呢個luggage牌子唔錯。」瞥了眼價格,我有點訝異:「呢個款賣咁平?係咪未連郵費?」這款應該是新出的,怎麼賣這麼便宜?

Nina探頭望了望,笑了笑:「已經計埋郵費喇。」

「你舖頭個定價好似偏低?」我印象中在其他網店有看過相同款式的行李箱,可以肯定它們的定價比Nina貴。「開價咁低,你嘅 margin應該唔高?」究竟有沒有Margin都是問題吧?

Nina挑眉一笑,「咁做當然有原因啦。」她倒了杯水給我,「我舖頭啱啱做咗三個月,賺錢係其次,最重要係先儲到一班願意消費嘅客。」

見我挑眉不解,她笑著問:「好簡單,同一件貨幾間網店都有,點解啲客要揀你個間?你舖頭啱啱開業幾個月,我又點知你係咪呃人?」

我瞭然,「所以你首要做嘅,係要同啲客build relationship?」

「聰明。」Nina點了點頭,笑著說:「開價貼近成本價可以好快吸客,如果順利完成交易,自然就獲得啲客嘅信任,下次我要賣嘢就更容易。」

她繼續補充,「就算係一單失敗嘅交易,如果我順利咁退款同妥善處理當中嘅問題,我依然都會獲得個客嘅信任,所以最重要係喺網絡世界入面搵到呢班潛在嘅客,跟住同佢地initiate一個connection!」

叮!Nina又再WhatsApp了一條Link過來。「你開黎睇下!」

我在她充滿期待下打開連結,在她的監視下加入了她網店的WhatsApp group。

「歡迎你加入我地舖頭個WhatsApp boardcast group!」她嘻嘻一笑,「通常Facebook接觸我嘅客都係問價錢居多,當我地成功build咗 connection之後,啲客人都好樂意加入呢個group,所以呢個group啲客全部都係我嘅重要資產。」她頓了頓,補充一句:「當然你都係其中一份子啦,記得有嘢啱就同我落單喇!」

手機再次響起,Nina向我做了個抱歉手勢,躲到一旁繼續未完的通話。

我看著她,不禁佩服起來。不愧是曾經負責過跨國金融集團Group Strategy的女強人,就算現時退居幕後經營小本生意,每行一步依然非常縝密。

***

「經理,你覺得我係咪講得有道理?我應該點勸我老公好?」Selina愁眉深鎖。

我聳了聳肩,「我覺得你老公話唔定好有商業頭腦,知道要先蝕底至可以賺大錢。」

Selina一面茫然。

我輕輕一笑,建議道:「返去同老公商量下點樣儲第一班客,應該對你間網店有幫助。」不管Selina瞪著眼,我留下這句話後返房工作:「不過如果我冇記錯,好多公司應該係禁止經營副業,你間網店有冇需要改下名?」

生意經
生意經