熱賣產品最緊要有Story | 文章 – 滙豐機滙

產品唔一定睇實用性,如果背後個story夠吸引同有話題,就已經值回票價。

設計  ·    ·  2 mins read

「Selina,陳總份合約返咗黎未?」

按照陳總心急簽約的特性,合約應該今早就送回來,可是桌面上卻一個公文袋都沒有。

見Selina好一陣子都沒回應,我開了房門,她急忙收線,臉色有點奇怪。

「呃⋯⋯我去問下陳總秘書⋯⋯」

畢竟是自己的秘書,循例都要關心一下:「冇事嘛?今日見你神不守舍,好幾次沖杯咖啡都變咗杯奶茶比我。」害我連續喝了三杯奶茶。

Selina尷尬地笑了笑,「呵呵⋯⋯我同我老公有幾句嗌十。」

我挑眉。如果沒記錯,他們好像新婚不到一個月?

不過,局外人還是不要貿然干預他人戀事。「多啲溝通總會有所幫助。麻煩你上去⋯⋯」

「經理!」正當我想敷衍完結話題時,卻被Selina打斷——「你地啲男人係咪成日買埋啲唔實用嘅嘢?」

我無言地看著她。這句話聽落真耳熟,是誰說過呢?

「我老公買咗舊好貴嘅能量石話放係車頭,話可以吸收日月精華,你話我點可以唔哦佢幾句!」

啊,是Belinda,我的前女友。當年這句話彷彿成了她的口頭禪。

***

一個慵懶的週末,Belinda在陽台整理明天要用的燒烤用品。「Phil,你買呢支燒烤叉做咩?」

「燒嘢食。」我瞄了新入手的燒烤叉一眼,繼續埋首工作。

「呢支叉睇落好奇怪⋯⋯」Belinda摸著叉子,一面難以理解,「點解唔用普通叉就算?」

我輕嘆,合上電腦:「呢支五合一燒烤叉設計特別,伸縮自如,每次可以燒30粒丸或者10條腸仔。」

「其實都係耐唔耐用一次,唔使特登買支咁浮誇嘅叉掛?」Belinda性格節儉,我理解,但是,她似乎很難理解我的想法。

我接過這支叉,嘗試解釋:「Bel,其實產品唔一定睇實用性,如果背後個story夠吸引同有話題,就已經值回票價。」

見到Belinda蹙著眉,我笑了笑:「就好似我用緊個充電器咁,價錢的確係貴,不過設計好特別,當我見客個陣,我好容易用呢樣嘢黎打開話題,因為有story to tell,所以有時候實用性反而唔係我入手一樣產品嘅最重要考慮。」

Belinda似是而非地點點頭。

我隨手拿起咖啡杯旁的飲管,「又例如呢支重用飲管咁,我買個陣你都覺得好無謂,不過我睇中佢一鍵打開嘅設計,比同類產品走得更前。」

放下飲管,我輕聲解釋:「呢啲無聊產品嘅設計、背後製造嘅story,唔單止令用家產生興趣,甚至可以成為用家對外social嘅工具。」

見到Belinda半挑眉的樣子,我知道她還是不大理解。我聳聳肩,放下燒烤叉和飲管,「唔講呢啲,你今晚想食咩?」

Belinda笑了笑,配合地轉換話題。

或許是大家的價值觀不同,追求的生活品質也不一樣,最終我不能跟Belinda走到最後。

***

「經理,你覺得我係咪講得有道理?」Selina氣沖沖地問道,想尋求他人認同。

我輕輕一笑,「可能你老公睇中咗舊能量石背後嘅 story,正如你有story,先成功吸引到你老公。」

不管Selina一面疑惑,我補充:「一陣記得幫我去攞份合約。」

圖片來源: Searching C

生意經
生意經