想入行做IT唔一定要識寫Code同做IT Support嘅,其實都仲有好多可能性! | 文章 – 滙豐機滙

因為新型冠狀病毒肺炎疫情嘅影響,好多行業對數碼轉型及IT服務嘅需求都有增無減,以數碼轉型服務行業為例,除咗常見嘅程式開發員 ,仲有啲咩職場機會衍生出嚟呢?

視野  ·    ·  4 mins read

it-career-development

近日tvN的電視劇《Start Up:我的新創時代》成為熱話,講述一群帶著夢想嘅韓國年輕人科創經歷嘅故事,令大眾對IT行業嘅關注同興趣都增加咗好多。

IT行業一般比人嘅印象係好辛苦、成日要OT同埋99%係男仔先會入行。大部分人一提起IT行業都會第一時間聯想到寫電腦程式同黑色畫面加無盡咁多行嘅coding。另外一個印象就係任職IT Support要manage一大堆硬件設備如電腦、laptop、server、乜線物線、滑鼠、mon、等等,又或者係管理軟件如account setup、software update、安裝防毒等等。

 前者如果無讀返幾年IT專修課程都好難入到行,後者就要有想同電子硬件設備同軟件談戀愛嘅心理準備先好考慮。就算比你/妳讀咗幾年專修課程攞埋張Cert或Diploma都好,好多IT公司及IT職位都講求與時並進,不斷學習加實戰經驗,咁想入行咪難上加難?

※tvN的電視劇《Start Up:我的新創時代》劇照

 

咁又唔洗咁灰住,因為時代已經唔同曬喇,加上整個IT行業及產業鏈涵蓋嘅範疇都好廣泛同有好多唔同專業崗位可以考慮,就算係女仔都好,都有好多合適嘅職位同入職機會。另外,因為新型冠狀病毒肺炎疫情嘅影響,好多行業對數碼轉型及IT服務嘅需求都有增無減,令到行內開始出現人才短缺嘅情況。

喺呢段既嚴峻又艱難嘅時間又有咩職場機會衍生出嚟呢?以數碼轉型服務行業為例,除咗常見嘅Developer之外 (即係程式開發員) ,整個服務流程仲包括有Project Manager (PM)/Scrum Master (SM)、Business Analyst (BA)/Business Designer (BD)、UI/UX Designer同Quality Assurance Specialist (QA)。

數碼轉型服務開發團隊

 

以下為大家介紹一下幾個行外人比較陌生嘅專業發展:

Project Manager (PM):項目經理,顧名思義就係項目管理嘅人員,係一個相對空缺較多、入門門檻不如想像咁高,但要做得資深就要掌握多方面技能嘅職位。

PM主要工作內容以產品或項目規劃、產品進度控管、細節驗收及跨部門溝通為主。由於需要催生產品或項目,因此工作會時常接觸不同專業部門,也因此被視為公司嘅跨部門專業協調者。想轉行投身IT行業嘅女仔可以多考慮呢一個職位,原因係女仔比人感覺比較細心及擅於同人溝通,可能較有優勢。

延伸閱讀:「從今天起,讓管理層認清項目管理者的真正價值」

Business Analyst (BA):又名商業分析師或業務設計師 (Business Designer),係一個以幫客戶 (Product Owner) 提升產品表現為最終目標嘅重要角色,故此職位前景頗佳。

BA擅長分析數據及進行市場研究作為企業嘅業務分析,以評估業務表現及改善流程,確定客戶及各持份者嘅需求及痛點,從而向公司管理層提供建議方案同報告。商業分析師須平衡各持份者嘅得失,作出對企業最有利嘅最佳解決方案。

延伸閱讀:【業務創新法101】通過業務設計革新你的企業

Scrum Master (SM):又名Scrum專員,職責是確保敏捷式項目管理法則被團隊了解同實行,確認團隊遵循Scrum理論實踐。

SM 在團隊裡通常沒有實際管理權但必須協助其他成員在遇到困難時去除障礙,有時也要扮演團員領隊嘅角色激勵團隊士氣。簡單嚟講,SM係一個必須對於產品開發流程以及溝通能力有一定掌握並具備一定技術實力嘅角色,仲有專業資格可以透過考取公開證書獲得。

Quality Assurance Specialist (QA):又名質量保證專員,工作重點係為開發嘅軟件建立同完善質量檢測體系,尋找軟件入面嘅bug以確保完成品嘅質量保證。

喺瞬息萬變嘅軟件開發行業裡,QA嘅角色越受關注。喺入職門檻方面, QA對於相關學歷並唔係首要考量因素,反而係有相關工作經驗先會被僱主認可,係一個比較重視經驗嘅崗位,國際上都有相關嘅專業資格可以考取。

總括而言,現時環境投身IT行業的確係一個唔錯嘅選擇,入行機會都比過往多同唔再係男性嘅專利。就算本科唔係修讀IT都有相關職位可以考慮,職業生涯可有長遠嘅專業發展。比較有規模嘅公司仲會有內部培訓提供,又或者修讀有關課程兼考取專業資格都係一個途徑。

關於GreenTomato Academy

GreenTomato Academy(GTA)是GreenTomato機構成員之一,致力為香港提供最新及務實的資訊科技專業教育。作為一家專注於開發企業商務方案的公司,GreenTomato榮獲多項手機應用程式獎狀。

GTA也有開辦數碼轉型服務相關的課程,目標是培育出更佳的資訊科技行業專才從而應對行業環境的急速變化,成為知識轉移的樞紐及提升粵港澳大灣區資訊科技產業專業水平。

若你有興趣了解更多課程的詳情,請到我們的網站或瀏覽以下課程連結:

Business Design: 業務設計證書課程
UI/UX Design: UX/UI設計證書課程
Quality Assurance: 手動軟件測試入門課程
網上創業: 網店創業入門班

GreenTomato Academy
GreenTomato Academy
Green Tomato Limited
Green Tomato Limited