【到會服務】 如何締造不一樣外賣體驗 | 文章 – 滙豐機滙

提到到會服務,大家一定會聯想起聖誕派對、婚宴酒會或企業商業活動,但受到Covid-19肺炎疫情衝擊,限聚令使多人聚會大大減少,Party Room停業、Office WFH、大型活動等取消改期;到會服務不得不由「大」型轉向去「小」型,但近年外賣平台競爭激烈環境底下,如何突顯到會服務比一般餐廳外賣好?

營銷  ·    ·  2 mins read

【到會服務】 如何締造不一樣外賣體驗

提起到會服務,大家一定會聯想起大型活動、聖誕派對、婚宴酒會或企業機構商業活動,但受到Covid-19肺炎疫情衝擊,限聚令使多人聚會大大減少,Party Room停業、office work from home、大型商業活動、婚宴等紛紛取消改期;到會服務不得不由「大」型轉向去「小」型,但係近年外賣平台競爭激烈環境底下,如何突顯到會服務比一般餐廳外賣好?

客制化餐飲服務

現今一般標準化服務未能滿足人客餐飲需要,專屬嘅客制化到會服務為客戶創造特有價值,感受不一樣的外賣體驗;不論活動用餐人數多少,從諮詢訂購到會流程開始,配合線上線下模式,一對一嘅專人客戶服務,由草擬食物餐單、餐具篩選、食物包裝、場地佈置、物流運送、上門餐飲等個性化服務,都一絲不苟咁照顧客戶嘅需要,讓人客感受不一樣的服務溫度。

款式種類多元化為迎合不同人客口味同喜好,讓人客有更多元化嘅類別選擇,都係到會服務嘅重要元素,貼心地為人客設想,如提供健康素食到會菜式照顧素食者,又或是不同主題套餐、時令菜式去配合不同場合或節日餐飲需要;唔單止要款式品種多,食物賣相外形同樣重要,人人都「相機食先」嘅文化深入民心,討好精緻嘅賣相更能滿足人客嘅五感!

食物包裝經過心思細密嘅構思同經驗累積,妥善咁保護食物呈現喺人客面前,喺到會服務上面尤關重要,能夠保持著食物嘅溫度、質感、味道、外觀都係人客所關注,畢竟外賣同堂食係兩回事,考慮到運送時間,因此不同嘅食物包裝都充當著重要嘅角色,好好保護廚師嘅心血精髓之餘,疫情之下更加需要時刻做好衛生防範措施,令人客更安心享用高質素嘅到會食物!

物流運送

相信外賣服務投訴最多嘅一環就係遲到,香港嘅交通問題又係世界級水平,選用可以信賴嘅物流運送對於到會服務十分重要,確保能夠準時將訂單送到人客手上,試想一下,一個重要嘅派對活動裡面,食物逾時送達餓親大家,相信場面會不堪設想,更令活動籌辦者十分尷尬;可靠準時嘅到會服務、以及良好嘅溝通渠道讓人客了解你重視佢嘅訂單,使顧客更有信心將下一次嘅餐飲活動交托俾你!

建立口碑竭盡全力做好整個到會服務流程,擁有良好口碑除咗贏得回頭幫襯人客之外,更重要就係透過人客口碑傳播推廣,增強產品說服力,人與人之間嘅傳染威力,絕對係成本最低而效果最好嘅廣告行銷方式,讓每位顧客都成為你嘅推廣員,新訂單自然源源不絕;肺炎疫情下用心做好客戶體驗絕對係首要條件,係競爭激烈嘅餐飲外賣市場贏得一席位!

圖片來源:https://www.kamadelivery.com/


Alice Chan
Alice Chan
Kama Delivery Catering Limited
Kama Delivery Catering Limited