按揭保險全攻略 | 文章 – 滙豐機滙

係香港買樓上會申請按揭的朋友十居其九都要申請按揭保險。雖然申請高成數按揭已經係一個大家慣常聽的事情,但係你又知唔知點樣可以獲得按揭保險批核呢?其實一啲都唔簡單,批核準則甚至乎比銀行批核更嚴格。今期Roots上會帶大家了解按揭保險各種玩法!

什麼是「按揭保險」

市面上所有價值1000萬或以下物業最多能夠獲得銀行批核6成按揭。如果需要額外借多少少(最盡借9成),就要購買「按揭保險」。

按揭保險不單提供高成數按揭給業主,更保障銀行。按保會為超過6成的按揭部分提供保障。因此銀行唔需要為該貸款承受額外風險。正正係因為咁,按保批核會更嚴格。

邊個提供「按揭保險」?

市面上有3間公司提供按保:

  1. 香港按揭證券有限公司(The Hong Kong Mortgage Corporation Limited,HKMC)
  2. 昆士蘭保險(QBE)
  3. 美亞保險(AIG)

申請按揭時,銀行會幫借款人一同申請按揭保險。大部分銀行會選用HKMC提供的按保,而某一些銀行只會採用HKMC按保。

按揭保險幾多錢?

按揭保費由金管局決定所以三間公司的保費都一樣。價格取決於按揭成數和年期。業主可以選擇每年支付保費或者一次性,一次過交保費通常會有高達6折的折扣。

大概價格可以參考金管局提供的保費表

按保要通過壓力測試嗎?

首次置業人士只要供款與入息比率不超過 50%就可以申請按保,就算未能通過壓力測試,按保公司有機會照樣批核,不過除了要求借款人提交額外保費之外,供款與入息比率亦都不可以超過壓力測試規定的60%太多,所以最好先向我們詢問一下再決定。

按揭保險批核要幾耐?

通常大約1個月,但近期按保申請太多,可能需要最長2個月時間,所以建議買家落訂時加長成交期至法定最長90日較有保障。

 按揭保險點解會唔批?

按揭保險公司唔通過您的按揭申請可以有很多不同原因,不過主要原因都係圍繞著申請人的還款能力。以下係按保可以拒批原因供大家參考:

按揭保險唔批可以點?

申請人大可向所屬銀行經理上訴,有按揭經紀幫忙的話上訴方便啲。再唔係就申請其他按保公司或其他銀行。一如既往,我們奉勸不要一次過申請太多銀行因為有機會影響TU信貸評級。

可想而知要獲得按保批核一啲都唔簡單,每一步都要想清楚度清楚。有需要的話我們建議向相熟的按揭經紀幫手,一來可以提高獲批機會,二來可以有專人全面跟進方便自己。



上會概念源於兩位香港回流碩士畢業生。兩位始創人大學畢業後投身於金融行業,打滾數年後發現不但在香港買樓困難加上尋找金融機構承做按揭亦不容易。 於是靈機一觸想到借用網上酒店格價網概念,打造一個網上按揭配對平台,務求帶給香港人一個簡易申請按揭的解決方案。

ROOTS 上會 | 免費為你比較全港超過 18 間銀行樓宇按揭計劃 !  ROOTS 智能化數據讓你一覽無遺香港各大銀行按揭
>> 立即申請 

【2020 買樓、按揭懶人包】所有關於買樓、按揭需知係齊到(不斷更新)

按揭資訊

二按、按揭保險

物業買賣

地產資訊