社企留意!HK$144,000額外資助唔好錯過~ | 文章 – 滙豐機滙

政府旗下一向有唔少俾企業家申請嘅資助計劃,而其中嘅社創基金係唔少社企會申請,以補助佢地嘅計劃~查實社創基金下,仲有一個社會創新共享工作空間優化資助計劃係唔少人會Miss咗。今日就嚟個Q&A,等有意申請嘅合資格人士了解更多啦!
創業  ·    ·  1 mins read

政府旗下一向有唔少俾企業家申請嘅資助計劃,而其中嘅社創基金係唔少社企會申請,以補助佢地嘅計劃~查實社創基金下,仲有一個社會創新共享工作空間優化資助計劃係唔少人會Miss咗。今日就嚟個Q&A,等有意申請嘅合資格人士了解更多啦!

 

1.「社會創新共享工作空間優化資助計劃」?係關於咩?

計劃係為社會創業家及社會創新企業提供資助,租用附帶支援服務嘅共享工作空間,以促進互助、合作同共創。

2. 申請呢筆錢可以用去邊?

成功申請者可從已註冊於本計劃嘅共享工作空間選擇及租用辦公桌或辦公室。資金將以實報實銷嘅形式每月獲發資助,Paragon全部工作空間都註冊咗,任君選擇~ 

3. 咩人可以申請「社會創新共享工作空間優化資助計劃」?

所有已獲社創基金資助,並透過營運其社會業務以推動香港扶貧或防止社會孤立工作嘅機構或人士都可以申請~

4. 資助金額同有效期係幾耐?

資助總額上限為HK$144,000元,每個月最多HK$6000,資助期合共不多於36個月。

5. 咩情況下會申請唔到呢個資助?

假如你喺申請社創基金計劃時,已經將租用工作室嘅費用包含在內,即批出嘅資助金額已經計算咗呢個費用,就唔可以額外申請共享工作空間呢個計劃,如果唔係就變雙重資助。同樣原理,資助期間,成功申請者不可接受政府任何其他形式嘅租金資助架!

6. 已完成社創基金計劃,仲可唔可以申請?

假使你已經完成咗社創基金嘅計劃,營運機構業務依然以推動香港扶貧或防止社會孤立工作為主,就都可以申請呢個共享工作空間資助計劃。

仲有其他問題?不妨打嚟同我地了解下啦!

Paragon Asia
Paragon Asia
PARAGON ASIA HOLDING LIMITED
PARAGON ASIA HOLDING LIMITED