【村屋唐樓按揭教學】話你知村屋、唐樓可以點借/借幾多! | 文章 – 滙豐機滙

之前在【 按揭成數 2020】影響按揭成數的5大因素(樓價/物業類型/物業用途/持有方法/收入來源)一文當中,Roots上會有幫大家分析如何向銀行借盡按揭買樓。不過如果你係打算購買村屋或唐樓你可能需要留意以下細節。因為除了一般按揭要求之外,銀行和按保公司對物業本身設有額外要求。事不宜遲,馬上去片!

財務  ·    ·  4 mins read

【村屋唐樓按揭教學】話你知村屋、唐樓可以點借借幾多

村屋按揭一覽

村屋可以借幾多成按揭?

與一般按揭準則一樣,如果物業價格屬於港幣一千萬內非按保的村屋按揭可以借60%,超過港幣一千萬可借最多50%。

【溫馨提示:申請按揭保險的話,村屋按揭最多借85%,當然樓價都要少於港幣一千萬。】

村屋按揭可以借幾多年?

可以借盡30年不過要視乎樓齡,申請人年紀及成數。非按保申請的話,銀行會用75減或80減樓齡或年紀。只要樓齡係50年內或申請人50歲以下都有機會借盡30年。

【溫馨提示:申請按揭保險的話,年紀可以用80減不過樓齡最多55減。換言之,舊村屋比較難借盡30年高成數按揭。】

村屋按揭由申請到批核要幾耐?

由於這類物業的按揭申請牽涉睇樓及其他私樓按揭沒有的程序,買家或業主最好預留兩個月的審批時間。

申請村屋按揭時銀行會睇樓或驗樓嗎?

個別銀行有機會需要為單棟式村屋、老村屋、唐樓按揭申請安排到現場睇樓及估價。測量師或銀行職員主要視察單位有無進行僭建、結構性改動、劏房或改變地契用途。一般幾個字內就會完成程序。如果有上述違規動作的話銀行會評估還原費用並有機會在按揭貸款額扣減還原費減低貸款額,又或者提高按揭利息。某些銀行指明唔做有違例建築、改建的物業,不過有個別銀行肯做。有興趣買上述單位的話建議先向專業按揭顧問查詢。

銀行會因什麼原因唔批村屋按揭?

銀行唔批村屋按揭可以有好多原因:

  • 有僭建(天台加個玻璃屋)
  • 有違例結構性改動(打通兩層變內複式單位)
  • 有間劏房收租
  • 未補地價村屋或者未住滿5年丁屋
  • 沒有地政總署發出的滿意紙的村屋
  • 沒有路權村屋(如心儀村屋得一條路出入而附近沒有政府街燈或公共交通設施就要額外小心)
  • 沒有村屋平面圖

唐樓按揭一覽

唐樓可以借幾多成按揭?

同村屋一樣,如果物業價格屬於港幣一千萬內非按保的唐樓按揭可以借60%,超過港幣一千萬可借最多50%。

【溫馨提示:申請按揭保險的話,唐樓按揭最多90%,當然樓價都要少於港幣一千萬。】

唐樓按揭可以借幾多年?

規例上,唐樓可以借盡30年。不過由於唐樓一般比較舊,而銀行最多都係80減好多唐樓按揭都未必借到30年。

唐樓按揭由申請到批核要幾耐?

同村屋一樣,最好預留兩個月的審批時間。

申請唐樓按揭時銀行會睇樓或驗樓嗎?

同村屋一樣,有興趣買上述單位的話建議先向專業按揭顧問查詢。

銀行會因什麼原因唔批唐樓按揭?

銀行唔批唐樓按揭可以有好多原因:

  • 樓齡太舊
  • 改變地契用途(商用單位改為住宅自住)
  • 有僭建
  • 有違例結構性改動
  • 有間劏房收租
  • 有屋宇處法定命令(俗稱ORDER)

原文:https://blog.hkroots.io/village-house-tenement-building-mortgage/

【Roots 樓市資訊懶人包】睇清所有買樓/按揭須知(不斷更新)

按揭資訊



上會概念源於兩位香港回流碩士畢業生。兩位始創人大學畢業後投身於金融行業,打滾數年後發現不但在香港買樓困難加上尋找金融機構承做按揭亦不容易。 於是靈機一觸想到借用網上酒店格價網概念,打造一個網上按揭配對平台,務求帶給香港人一個簡易申請按揭的解決方案。

為確保能順利成功申請按揭上會,住宅物業買家可考慮向多於一間銀行申請按揭。但逐間銀行叩門未免費時失事,較方便的做法,是透過網上平台 ( 例如 :金融科技平台 ROOTS一次過免費幫客戶向多間銀行遞交申請。填寫幾項簡單資料後,可即時獲悉獲批按揭的機會、按揭利率、現金回贈等資訊,然後才決定申請哪些按揭計劃。

>> 立即點擊申請

Roots 上會
Roots 上會
Roots
Roots